-女人識得沙煞比。男人定會更愛你-

女人成日覺得男人鍾意Mavel 同高達好無聊😏，男人何嘗唔係覺得你班女人鍾意Hello Kitty同埋美少女戰士係弱智😅！
話說女皇工作嘅地方係個男人嘅世界，近日成日都聽到佢哋係咁發左癲咁講高達展，又話啲咩加速粒子透明版既限量版高達、金色電鍍配件、蒼白騎士啊咁！雖然唔知佢噏乜野，但我知道呢班人一定好鍾意高達！至於佢地點解鍾意高達，我都問過好多人，就係鍾意佢哋嗰種熱血，正義！當然仲有馬莎👈🏻十個八個最鍾意都係佢！😍😍😍
跟住，我就好留意佢幾時開幕，仲主動約佢去！！ 佢嗰種開心嘅情緒😍，真係仲開心過中六合彩🤣！ ！
前幾日收工嘅時候同男友仔去咗奧運站，係一樓望落去中庭已經見到好多宅男如癡如醉喺度掃貨🤡，同高達自拍（你冇睇錯，真係自拍🙂！）中毒程度真係攻心🤔，女人少啲戲都露出呢個藐視嘅面😒😒😒平日唔係好影相嘅男朋友都走去同佢哋影相，仲有掃貨🤤！一掃掃幾個！我成日覺得買高達真係好抵買😈，買個👜👜都幾皮野👹👹👹所以我決定由得佢買，仲不停咁叫佢買，中途仲問埋D低能問題包括點解宇宙咁大要打仗😂☝🏻熊仔高達係乜水🐻獨角獸🦄🦄做乜會發光都差唔多樣點分別佢哋！🐶佢好似教書咁同我講左成兩粒鐘，雖然我已經唔記得佢講咩😓，但係我記得一個馬莎渣嘅就係沙煞比👽！！！😎😎☝🏻☝🏻☝🏻買齊心頭好後，他興高采烈地拖着我去食飯。

我想一個了解男人世界的女人最得人心。我叫他做同理心！🤗

姊妹們，你今日行動左未？！🙊🙊🙊
男士們，快Tag女友啦🤣😏😏

============
#請Like and share
IG : https://www.instagram.com/sdqueeN188/
Blog: https://sdqueen18.blogspot.hk/
#馬莎 #奧運高達展 #love #blogger #marry #交友 #SPEEDDATING #戀愛教主
各位靚靚\靚仔對戀愛/人際/工作有任何疑問？歡迎來信到女皇信箱 sdqueen18@gmail.com
本宮樂意為大家解答哦！

【男女必讀！初約會十誡！】

正所謂一樣米養百樣人，出嚟識朋友總會遇到好多衰人，點樣展開你哋嘅網上情緣而不失霸氣？即刻抄低曬啲十誡啦😘

1.第一次約會絕對唔可以去人屋企/酒店房間！😡😡😡
（呢類人會好多藉口，例如不如上嚟我屋企睇我隻貓啊，飲杯野，第一次就去人屋企，令人有機可乘，遇到壞人真係呼天不應。必須去一啲公開地方，例如餐廳、商場等。有咩勢色唔對走都走得快啲！其實呢類犯案者都戇居，因為俾人捉到機會接近100%）

2.未出嚟見面就叫一齊去美容可以收工！
（呢啲人嘅特徵就係一開始就會發相俾你話去邊度邊度做facial好舒服啊，工作咁辛苦去按摩真係好啦……不如我哋一齊去啦！唔係sell野點會咁好心地呀？Next!😤)

3.問你拎性感相，談及性話題。
（呢類人一開始就問可唔可以send你嘅全身相俾我呀，你三圍數字幾多？覺得咩為之最好嘅體驗？大佬😡你搵援交妹定識朋友啊？即block！)

4.我投資左乜乜乜乜，發達啦！不如得閑出嚟聽吓啦！
（咁易發達大家就唔使打工啦！呢類人圖像張相通常都係型男索女，好多都係做倫敦金，即係你哋成日睇新聞嗰啲！🐷）

5.只對你有感覺，愛你一萬年派！
（有類人一開始就鍾意問你拍左幾多次拖都好鍾意啲咩男仔，見都未見過就話想同你拍拖。可唔可以做我女朋友？不如做埋你老婆丫笨！）

6.切勿跟幻想談戀愛！
（對一個完全未見過面的人都係唔好存有太多幻想，身邊有朋友對一次都未見過網友朝思暮想，人哋三個月都未見佢，亦都聽愛理不理，此等行為簡直是浪費時間！）

7.長期發錢寒派！
（呢啲人初初就對你噓寒問暖，之後突然急性發錢寒，突然冚家都有病，急需你比啲錢佢救命，你俾咗預咗九成九都係騙案，同埋應該收唔返。不如搵返啲錢去參加Dating Event好過啦。簡單來說一問你借錢應該即刻收工)

8.千言萬語示愛派！
（呢個人通常出現於交友網，比你的短訊長500字，內容完全包括對你的傾慕之情，如何發展美好將來等等，這樣有嚴重妄想症應該立即Block!)

9.遙遠的愛！
（呢類人通常係外地，法國美國與英國的老外，無啦啦會話搵真感情啊，即係Long term relationship ！大佬，咪玩啦！練習下英文我覺得無妨，訓身就無謂浪費時間啦）

10.目標要明確！
（如果你有啲特定條件係接受唔到，例如離過婚、年紀等等。知道對方不符合就應該立即推進到下一個，切勿浪費光陰！）

你地有啲咩好嘢分享呢？快啲講下啦💕💕💕