約會女皇Vol.19 Coffee matching 之下午茶約會之終極無間

上回講到來做間諜的男士叫Kelvin，剛才他正在坐對面，依稀記得佢自從是會計的工作，我們大家都說出今次來的目的，聽到他的自白後我覺得十分驚訝！

K ：其實我今次來係因為準備開一間matching加speed dating嘅公司
Q ：咁你其實係來取西經？
K : 係啦！我曾經去過另一啲公司刺探軍情，發現婚姻介紹的市場需求都幾大，而且係女多男少 口😉，所以真係有得做啊。。。。下刪一萬字
Q ：咁睇來真係幾吸引喎！
K :有一次仲好笑，我直情上一間婚姻介紹所，原本那個配對價錢是＄9800 ，因為我覺得太貴所以冇參加，我個老細最後都傾左粒鐘最後＄1800俾我任配對。
Q :下，真係咁都得啊？！
K:係呀，因為佢話呢啲都係女多男少，有質素（事業+性格+樣）嘅男人就算離左婚都大把市場，講到好似好多選擇咁樣，咁我覺得橫掂又想識女仔又想試探軍情！咁米一箭雙鵰囉🙊🙊🙊
Q：好勁呀你，咁之後點啊？
K:之後佢成日都call我上去，但係見親嗰啲好多都係中年女人，仲有好多啲怨婦丫騎呢怪
咁樣。
Q:嘩，咁你咪好慘囉？
K:係呀，直情好似慰安婦咁隨傳隨到！初初都冇問咁多，點知上到去就不停賴嘢！！
Q:發生咩事呀？ （表示驚訝？）
K:初頭我已經比咗個外形同年紀要求佢，但十個有八個都係貨不對辦，有陣時有啲女人怨念非常大搞到我好似訴心事家庭咁😭有個比佢煩左成兩粒鐘先走到。不過都叫做有啲得着嘅，都了解到呢啲人有咩想法！
Q:咁你的時間都沒有白白浪費啊。
K: 係架，我聽佢哋講陪左一次都要成＄1000，仲話有專人同佢地挑選，我心諗嗰間公司唔係超級好賺！
Q: 所以你就想開返間？
K:係架，老實講呢個時代好似我呢啲冇父蔭嘅人，本身又唔係專業人士，打一份工好難話發達，梗係諗多啲出路啦！
Q:咁其實你搞matching公司都係為咗錢？
K:唔為錢唔通真係為咗幫你班傻仔配對咩？嗰啲離過婚嘅女人今本就係好難再搵!
Q:咁你都應對下佢哋啲要求架？
K:班傻仔鬼知咁多野咩，求其搵到啲人肯交錢，咪比佢哋見囉，唔係搵自己啲靚仔朋友來扮都得架！我唔講佢哋鬼知咩！
Q: （聽到呢度，其實我對佢真係好反感， 我明白大家都係出嚟搵苦飯食，但係人哋真金白銀俾錢你去做配對，你竟然話佢地傻仔！仲要擺明昆佢哋，真是好嬲呀）其實都唔係啊， 我有個律師朋友嚟咗分都好快可以尋找到下一段情緣，依家生埋個小朋友都唔知幾幸福啊！
K:...........

在這個時候，侍應開始奉上我們的食品和飲品，我哋亦開始混合式交談，內容大多圍繞我們平時的工作和生活趣事，教師們亦都講下佢哋嘅怪獸家長，因為平時工作比較難認識到這些行業的人，所以我覺得還是非常新鮮和很有趣的。但直到離開時候我對K先生的言論心有餘悸，心想莫非我就是他所口中說的傻仔？！

在完結後一星期的一個晚上，我收到K先生的WhatsApp

K:喂仲記唔記得我呀？
K:今晚收工得唔得閑呀，可唔可以幫我做妹媒啊，係table for six 我地址呢就係xxxxxxx.見大家咁熟，我收你成本價＄200啦！記得補補妝同着靚啲呀！
Q:(看到這句，我的內心已經粗口橫飛！你當我係咩？做媒要收我兩舊水真係皇恩浩蕩，仲要補補妝？ ！所以我決定就唔覆佢！下刪100個嬲嬲)

後記：曾經聽過一位老前輩說過如果你做工的目的少為了錢，結果必然不會做得好，K先生matching司最後搞唔掂，做網頁上同他的拍檔出現極大分歧，被騙了幾萬元的製作費，我都心感恩惠，否則一間害人的公司又出現了！
各位靚靚\靚仔對speed dating 有任何疑問？歡迎來信到女皇信箱 sdqueen18@gmail.com
本宮樂意為大家解答哦！

約會女皇Vol.18 Coffee matching 之下午茶約會之小姐你好野？

活動完後，出面落微微細雨，我們一行六人去到另一間意大利餐廳，由於座位的限制我跟另外兩位男士都沒有作深入的交談，今次正是二次約會！我們再次作出簡單的自我介紹，坐在我身旁的兩個女仔是做教書的他們是同事關係，他們說因為圈子比較窄而且不想在工作地方發展戀情所以便一起鼓起勇氣來參加，是第一次參加！對面的三位男士分別叫：間諜Kelvin、娘娘腔Billy、魔術男Peter。（哈哈，改人花名係我嘅興趣）

踏入餐廳的時候魔術男主動同我搭訕。。。

魔 ： 嘩！靚女，睇你個樣好似好後生wo！

Q ：係丫？多謝你！你都好型丫。

魔：係呢，頭先掛住表演都無時間同你傾計Tim!

Q:(內心對白：咦！乜你都知丫？女王內心存在黑暗嘅寸咀基因哈哈）好彩喺呢度有機會再同你再續前緣！

魔 ：哈哈你好可愛！係呢你做咩架？

Q :我做金融的！

魔：嘩，金融才女啊！

Q：（通常每次一聽到我嘅職業反應分為兩大類，第一類嘅就係以為我做保險十分有戒心、第二類就係不停咁讚我嘅工作，以為我非常之有錢等等）你才是才子呢！魔術才子啊！係呢，你係全職魔術師嚟架？

魔：我都想呀，我正職是一個劇團演員，雖然收入一般，但我找到自己的夢想。

Q :勁啊！我都好鍾意睇蝦頭同泰臣ga。

魔：哈哈，下次介紹你識丫！

Q: o really?

此時坐在魔術男旁的Billy 一直望著我們，佢好似想加入我倆的話題，可惜又不知從何說起，我此時細心看了他的面龐，超級唔對路！我發現他的面同頸兩節色，面上的粉塗得極不均勻，成個感覺就係陰陽怪氣！Billy講嘢陰聲細氣，跟住講講吓重要竊竊偷笑同蘭花手真心懷疑佢係米鍾意女人淺談幾句，原來佢係中文大學做翻譯，到最後我忍唔住問佢面上的化妝：

Q:你好似都幾白淨！

B:係呀，因為本身有好多暗瘡印，所以化妝。

去到呢度我同佢竟然講起買化妝品事宜來最後佢仲介紹我一隻品牌說有折頭。由於同佢都係好勉強談落去所以我好快就轉移目標到第三位男士身上。

最後一位男士叫Kelvin，剛才他正在坐對面，依稀記得佢自從是會計的工作，我們大家都說出今次來的目的，聽到他的自白後我覺得10分驚訝！

K ：其實我今次來係因為準備開一間matching加speed dating嘅公司

Q ：咁你其實係來取西經？

K : 係啦！我曾經去過另一啲公司刺探軍情，發現婚姻介紹的市場需求都幾大，而且係女多男少 口，所以真係有得做啊。。。。下刪一萬字

Q ：咁睇來真係幾吸引喎！

 我就開始聽佢講嘅生意經。。。待續

------------------------------------------------------------------------------

讀者來信：

女皇你好,

其實我已經單身左好耐，屋企人有介紹個男仔比我識，但我覺得好尷尬同埋好煩，其實我都成30幾歲我正考慮好唔好豁出去一試speed dating?希望你可以俾啲意見我.萬分感激

Mary

女皇答：其實有好多人覺得參加極速約會好似唔見得光咁，女皇反而覺得既然係一個健康正常嘅渠道又可以俾多啲機會自己，而且在公開公眾的場合減低新手因經驗和技巧不足而遇上的風險，何樂而不為呢？理論像買六合彩一樣，既想中而又不去投注站，那麼怎麼會中呢？Step out of your comfort zone !

--------------------------

有感情問題歡迎搞稿到女皇信箱 

尋求合作或可電郵sdqueen18@gmail.com或私訊

PLease folllow IG : sdqueen188

約會達人 Sq Queen 信箱如果你有任何感情問題、愛情上的疑難，包括結識異性、吸引、追求、曖昧、暗戀、戀愛、分手、異地戀、姐弟戀、忘年戀、多角戀、婚外情，可在這感情問題信箱發問

職場問題、包括搵工、轉工、升職、人事糾紛，都可以來信發問

來信留意：

1.請匿名來信

2.清寫有故事性和具體的內容，而非句和單字

3.所有內容會作出詳盡分析，來信人數眾多請耐心等候docs.google.com

約會女皇Vol.17 Coffee matching 下午茶約會之間諜初現

約會女皇Vol.17  Coffee matching 下午茶約會之間諜初現
在上班的路途上，我在Google搜尋器漫無目的地輸入speed dating、經驗丫流程丫、邊一間dating好等字眼，走出很多不同公司的名字（相信各大公司都花了不少廣告費）誤打誤撞的情況下我進入了一間叫做Coffee Matching的公司網頁，自動設定是全英文的，佈置雖然簡單但場地的照片給我舒服的感覺，看看自己的行事曆，剛剛有一個叫做周末下午茶的聚會可以參加，收費＄300左右，地點是在灣仔一間海邊餐廳，網上付款後我期待着那天的來臨。
終於渡過一個忙碌的星期，餐廳的地點是在鷹君中心，地點離地鐵站比較遠，踏進場已經見到很多男男女女在不同的台正在交談，我被安排到一張六人的枱，坐在我對面的是一個小矮人Eric（目測身高不超過160，本人身高165）老實說當時我是想即刻調位的，哈哈！那我還是出去拿點食物吧，一共有八款小食（即係食你唔飽個種） ，我發現這樣的安排不是太好因為我旁邊的是女士我要跟斜對面那兩位男士交談是有一定的難度！
用餐過後主持人叫Ada ，介紹今天的模式是三位三位男士一同轉台，而交換聯絡資料的方法是自由交換。8分鐘一到主辦方搖鈴，男生起身換位，由於位置所限，我通常只能夠跟對面那位男士交談而忽略了旁邊的那兩位！把原本的十多個機會縮減成幾個機會，途中也遇到不少有趣。的男士，例如一個會即場表演魔術給我看，有些會跟我交換卡片和電話。。。總括來說我沒有遇到自己感到興趣的男士，但總算過了一個充實的下午。
在完結聚會後，一位男士主動向我走過來，他叫Kevin ,說剛才的其中幾位男士，邀請我和鄰座的女仔去食晚飯，沒有節目的我答應。。。

在席間，我們再次易幟介紹自己，其中Kevin突然話其實我今次係做間諜!!

-------------------------------------------------------------------------------------------
女皇問答：

女王你好，很高興有你的網誌分享很多經驗，今次來信希望你會解答。
Dating識咗個男仔，未出嚟見面嗰陣時佢都好熱情，但第一次出嚟約會過後佢就好似冷淡左，其實我真係好鍾意佢咁可以點呀？
詩

其實應該定一個期限比自己，期間內可以不停出招，如俾signal，博對方主動提出約會。基本上多重反應已經可以顯示佢對你有冇興趣，突然間搵返你係可能佢無聊，多數玩交友app 都會多重發展，好少會淨係識你一個。咁如果期限一到對方又冇乜反應嘅，你應該立重新上路再識其他人，切勿孤注一擲浪費光陰！

各位靚靚\靚仔對speed dating 有任何疑問？歡迎來信到女皇信箱 sdqueen18@gmail.com
本宮樂意為大家解答哦！

約會女皇Vol.15 有樓真的有高潮？

「有樓有高潮！」、「冇樓唔好白撞！」無綫電視編導岑應製作的「真人騷」，又有參加者爆出金句。如今再糾纏該港女的「高潮」，似乎過時，不如回顧香港媒體在事件中所經歷的「高潮」，以及這類「高潮」的虛偽與禍害。

這個節目相信引起很多哄動和迴響，在傳媒人的角度的確是十分成功的，完全達到宣傳效果，但當中的真實成份？
女皇略知一二，當中的岑大導擅長搵一啲搏出名而且唔介意上鏡嘅女仔，按照劇本或不停地引你講嘢加上工作團隊的剪接效果就是大家所見到的。
話說某次女王到1% Anthony 聽免費講座，驚見厚唇版舒淇同住貨倉那位姐姐，不是懷疑他們的真確性，但此類節目始終是做妹成份居多，我又想從我結交眾多朋友的經驗，告訴大家3000尺豪宅主人的想法。


基本上豪宅的主人分為三類，一是係白手興家的富豪，二是爸媽是成功人士有N層樓收租嘅人，最後一種是無啦啦中橫財的人，不過以現今社會就算中咗3千萬頭奬都不足以買一間3000尺的豪宅！

好，問題來了！到底要怎樣先可以有高潮？！重點是頭兩類人都不是傻瓜，尤其以後者為甚。傻的嗎？！你有聽過理論是世上八成的財富都掌控在兩成的人手中是吧，以我所見有本事從一個屋村仔衝破重重難關，真正成為有錢人都不是簡單的，沒有精密的頭路、每分每毫的計算、有輕易的成就嗎？他沒有那麼輕易憑你那丁點兒的姿色就把辛苦艱辛的成果與你共同分享，當然一個半個手袋/豪飲豪食或短暫的奢華生活是可以的！（亦聽過很多傻豬豬，什麼都沒收到就蝕底給人哋，最後什麼都沒有。那麼只能說他們被海市蜃樓蒙蔽了雙眼）

女皇識的有錢人他們的頭腦都充滿着如何做一盤生意，怎樣再搵多啲錢，你和他們吃飯聊天他們的範疇大多圍繞着這些，去那個法國酒莊飲紅酒，周末去那裏打高爾夫？！如果你識這些最多也只是個玩伴。
真正令他們着迷的女人都是能夠和他們談生意，因為這些女人除了漂亮的外表，運用有知識和精神上的分享！你沒有本事做到嗎， Sorry只可以停留在玩伴的階段! 

第二類人是爸媽成功的人，最近看到家燕姐個仔娶老婆，家燕媽媽二話不說就豪送她位於西半山的兩千尺豪宅（OMG!還不到3000尺呢）
超人爸爸媽媽都唔係一般平凡人，佢哋閱人無數，正所謂食鹽多過你食米，如果你單單想係佢個仔身上搵着數相信你會好快俾佢一腳伸開，搵私家偵探查下你簡直係家常便飯，就算身家清白能夠成功入門做到千億新抱更加是萬中無一。

最後一種是中橫財的人，呢類人最容易一朝得志語無倫次，不過相信找到更加好難度。

各位靚靚\靚仔對speed dating 有任何疑問？歡迎來信到女皇信箱 sdqueen18@gmail.com
本宮樂意為大家解答哦！