戀愛教主|網上交友實戰分析1

 唔知大家有冇試過網上交友？上一輩的人都對網上交友十分之反感，可能新聞周不時會報道「微信識人強姦案」、「初見網友被騙財」真係10個識人有10個都唔夠膽同阿媽講！你哋有細心係上網討論區/身邊朋友其實都好多人會咁做，點解呢？人越大，身邊嘅朋友好多都開始結婚生仔自然冇咗好多聚會、很多人亦不願意在工作的地方結識對象，所以網上交友越來越流行，大家都遇到各適其適的人，有時真怎樣抉擇取捨。女皇將會憑豐富的經驗去教導大家點樣分清楚好人定壞人，碰到賤人一定要即刻閃人。網上交友不一定是追求愛情，可以是友情、是一種精神！
今天女皇會分享一個完全浪費時間的個案，以此為鑒不要重犯！
From beauty exchange

我係交友app識左個男仔！大概一年前啦！30歲！起初一星期我地都會日日whatsapp！但唔會傾好多！因為佢話工作好忙！佢成日都翻8收夜晚11點！佢放工唔累先會online傾一陣！但朝早再whatsapp佢就一定會係單剔！到夜晚先會再覆我！後來佢係隔一星期，半個月，大半個月先覆我一次！

教主註:緊記網絡交友必然要快、狠、準！快速判斷對方基本條件，如是騎呢怪狠狠地Block，準確地分析事實。
現在示範一下
快：男方明顯是一個分身人（擁有超過一個電話的人，正常人冇可能成日都唔會睇電話，除非佢有幾部電話）
狠：回覆的時間亦異常地長，大半個月先覆，根本你係佢心目中係可有可無，單憑呢個態度可以直接不用理會，因為對方根本無心交友，維持落去亦只會浪費你自己的時間！
準：綜合以上觀點，明顯佢係搵你攝時間的機會十分自大。


期間佢有約過我岀機！但2次都係放飛機連人影都無！whatsapp又一直係單剔！我最後留左一句話你以後唔洗再岀現嫁啦！

教主註：可以連續兩次放你飛機連人影都冇，呢個人品格非常有問題，如果樓主有用快狠準的分析，基本上一次都不用出來已經知道會有這樣的結果！來，我們繼續看看樓主如何浪費時間！！

過左幾個月佢又岀現！但電話號碼已經唔係之前哥個！我問點解換左電話！佢話因爲工作關係所以定期都會換！我問佢做咩咁內無岀現突然間又搵翻我！佢話之前工作壓力好大！搞到有病！就停左個幾月工！之後工作開始好翻d所以就有時間搵下我！

我問佢點解whatsapp成日都單剔！佢話只要一翻工就會熄電話！唔想俾人打擾到工作！咁之後三四日佢都會係7點半左右同我講佢翻工啦！只要我覆佢係遲過8點就一定會係單剔！第5日之後佢又再一次消失！

又過左個幾2個月佢又岀現同我say hi. 我覺得佢似玩我所以佢連續2日搵我我都無覆佢！

教主註：嗰騎呢怪又出現啦，求其作個理由就輕易取得樓主的信任！如果樓主有用狠呢招去Block 左佢，上面嘅情況全部都唔會發生，樓主只是不停浪費時間在這個騎呢人身上。

後來我自己又犯賤主動搵佢！但都係一如既往即單剔！大半個月之後佢又岀現！就話你做咩消失！我話你太神秘！每次岀現都係隔十幾廿日甚至個幾月！我話我唔想再同個神秘既入傾計！佢就話要翻工唔得閒！又隔左個幾月！

最近佢又岀現！我問佢又做咩消失咁內！佢話去左葡萄牙岀trip！我就話其實你可以唔洗再岀現！反正你岀現都係吹兩句！之後又消失十幾廿日！佢話因為工作好忙係無時間玩電話！一有時間已經即刻搵我！我話你真係好神秘！佢話咁我租間酒店同你傾一晚！我答好呀！但最後佢都話工作好忙下次先！

教主註：樓主自稱犯賤，的確係，明顯是心向東行動卻向西，結果一事無成，但世界上的而且確很多這類人！注意重點，一個想正常交往的人係冇可能第一次見面就係租間酒店傾計，暗示性非常之強，如果樓主真係有去到我肯定已經出咗事！

消失2星期後佢再次岀現話想見我！我話點解！佢話要去岀trip！今次係要stay係另一個國家最小一年以上！所以想係走之前有個美好既回憶！我話你其實想搞野姐！唔好扮晒野！佢話係要搞之前就唔會放你飛機！佢解釋放我飛機係因為佢唔靚仔！唔係我鐘意既類型！我就問佢咁點解今次要見！佢話反正都要走！想同我有個好既回憶！話離開左香港佢會掛住我！我今次拒絕！佢問我點解唔可以係佢走之前俾個美好既回憶佢！我話你都唔一定會岀現！佢話唔會再消失！因為準備岀trip所以工作唔太忙會岀現多d！我話話你答完晒我既問題我會考慮下見你！

教主註：樓主直接踢爆對方的動機十分非常幼稚，和你去酒店有美好回憶，你覺得還有其他可能性嗎？譬如你去馬會不是買六合彩和買馬賭波，難道你去飲茶嗎？注意重點：很多時知道就好了，不用說得太清楚，否則大家都難落台。還會考慮下根本一直不停浪費自己的時間和其他機會。
我問佢係米有2個電話！佢話一個係公司既一個係自己既！自己既電話就係同我傾既！但佢用公司電話多所以好少帶自己電話岀街！佢話因爲工作關係所以搞到得翻幾個朋友！佢地都好小聯絡所以就只會帶公司電話岀街！我話咁見完之後你又走啦！咁我就繼續等你！等你十幾廿日先覆我一次係米！佢話咁黎d係你情我願！我話你好自私！之後佢無再覆我！之後一日佢又問我見唔見！我話忙緊轉頭再傾！忙完覆佢發現唔再係單剔！又一日又再問見唔見！我話見完又點？我唔想再成日等！佢就應承話會多d岀現就算離開左香港！

教主註：到咁耐先來問呢個問題，分析力異常地低，樓主去發脾氣亦都是非常不智的行為。留意重點：發脾氣是為自己扣分，絕對冇其他好處。男方嗰句你情我願根本就係講事實，沒有犯賤的樓主哪有攝青鬼的男人？

其實我真係唔知見唔見好！我唔知可以點！唉！

教主註：經過我的分析讀者們應該有答案吧！

有感情問題歡迎搞稿到女皇信箱 

尋求合作或可電郵sdqueen18@gmail.com或私訊

PLease folllow IG : sdqueen188

約會達人 Sq Queen 信箱如果你有任何感情問題、愛情上的疑難，包括結識異性、吸引、追求、曖昧、暗戀、戀愛、分手、異地戀、姐弟戀、忘年戀、多角戀、婚外情，可在這感情問題信箱發問

職場問題、包括搵工、轉工、升職、人事糾紛，都可以來信發問