但我發現當我報了這個馬拉松的時候，目標突然出現:就是無論如何都完成這項比賽，得紀念奬牌！於是我開始不停上網研究不同的跑法，更會主動與其他有跑開的朋友請教跑步心得，更加買了一條小米運動手帶，完全可以用雄心萬丈來形容，務求9月的時候可以衝過終點，這些都是我學習跑步之前沒有的，目標的而且確令一個人力求上游。
之前睇左個Po，個男主話女主願意結婚咩都唔要，我初時都以為好易，原來咁難……
戀愛教主註：睇人做嘢從來都容易，蘋果教主創造傳奇，馬雲搞個騰訊，醫生做手術都以為好易，注意重點：每個個案都唔可以用來同自己比較，每個個案都有不同的地方。
我同男朋友拍左拖幾年，咁上年年頭佢問我結唔結婚，我話好，咁我地都各自拎左筆錢出黎，開左個聯名戶口，諗住一齊投資買樓結婚，所以計劃下年簡簡單單簽紙，之後去轉台灣渡蜜月算。
戀愛教主註：睇到呢度，成件事好似好求其咁樣，好似問今晚食唔食飯？我話食。請緊記結婚是人生當中其中一件最重要的事，決定前必然要詳細考慮大家的價值觀，目標和理念。
當中尤其以價值觀最重要，點解呢？
簡單如食飯一樣有啲人要求一定要去一間正正經經嘅餐廳食，街邊大排檔一律不會考慮，又有啲人最鍾意等超級市場就收嘅時候等特價食物又或者九點後的黑夜壽司。未必每一個人都可以接受鹹魚白菜就好好味嘅生活，如果價值觀不同就會發生無盡嘅磨擦。價值觀差異上冇話誰對誰錯，只是大家的價值觀不同！
咁依家都年中，咁有日我地經過間首飾店，我就多口問：“其實你會唔會買求婚戒指同我求婚？”之後佢話：“大家份工都唔方便戴戒指，你想要戒指，只係一個慾望，要黎其實都係擺，你話係唔係？” “唔好話戒指，婚紗相呢d都係放響床下底，其實唔洗影，你話岩唔岩？”我就答：“你又講得岩，但橫掂我地都去台灣，咁咪淘寶淘件婚紗去自拍。” 佢就話：“唉，你都係唔明白。”之後佢每日就同我講個人點樣先可以無慾望，唔需要同人比較之類既說話。
戀愛教主註：樓主真係十分之奇怪，求婚戒指好明顯係應承之前要收到，咁你未收到又做乜要應承人哋求婚？
就好似去戲院，你冇買飛但係個驗票員又比你入，睇完套戲半年之後佢叫你買返半年前張飛，你會唔會彩佢先？
睇來你真係十分之唔了解你嘅男朋友，你個男朋友期望嘅明顯係裸婚，仲要係全裸嗰隻，雖然你嘅要求都一點都唔過分，但明顯你哋嘅價值觀真係想像得太遠，就算你今日忍得到，將來一定有好多好多問題你哋會好多磨擦同爭拗。
我都知佢講得岩，咁我地為左買樓，節儉d係應該既，咁我地份工又的確唔方便戴戒指，影婚紗相又幾何拎出黎睇……我知有人實會話我好港女，明明之前話咩都可以唔要，依家又口不對心，但我只係想有個回憶啫……
其實你一直扭曲緊自己去迎合佢，十分可悲，再者我覺得你真係一啲都唔港女，你係會開個聯名戶口共同付出，你咁樣落去必然嘅結果就係唔開心。你依家最緊要唔係話結唔結婚，影唔影相，最緊要係審視返你哋嘅關係，如果價值觀差異咁大，真係長痛不如短痛。很抱歉，教主只會說實話！
Sorry for 199，其實我都唔知自己講緊咩……有無sis可以分享下你地點樣響結婚前調整心態？
樓主終於說出重點！如果連自己都唔知自己做乜，件事又點可能做得好？好似返工都唔知做緊乜，有可能做出好成績嗎？就算人哋肯分享比你聽都係對你來說都係徒勞無功！共勉之！
有感情問題歡迎搞稿到女皇信箱
尋求合作或可電郵sdqueen18@gmail.com或私訊
PLease folllow IG : sdqueen188
約會達人 Sq Queen 信箱如果你有任何感情問題、愛情上的疑難，包括結識異性、吸引、追求、曖昧、暗戀、戀愛、分手、異地戀、姐弟戀、忘年戀、多角戀、婚外情，可在這感情問題信箱發問
職場問題、包括搵工、轉工、升職、人事糾紛，都可以來信發問
沒有留言:
張貼留言
各位每個留言，係我繼續的動力，必覆。