約會女皇Vol.12 Speed Dating 後的赤柱約會

先祝各位新年快樂，新一年幸福甜蜜。

上次在mango tree 渡過的一個愉快下午茶，令的更加期待下一次的約會。上班時我也不期會多看電話，看看有沒有短訊，可能是

他工作繁忙關係，日間的對話沒有十分活躍。有時我會心想，以他的外型和條件，應該不用到Speed Dating 吧？通常到晚上食飯時間，他會發whatsapp來問下我今日工作如何丫？分享他在學校的趣味事等等。。。其實我都覺得佢幾風趣幽默，初步感覺都唔錯。在第二星期六，他約了我去赤柱一天遊，我欣然答應了！

在今天的約會，我充份感受到他的搞笑天份！他說他的車子壞了，送了去天神村比博士維修了。哈哈。有時倒覺得大家相處比一架車重要多吧。正所謂話不投機半句多啊。短短一條的赤柱大街，他跟我開了5個好爛的玩笑。因為平時老師給我的形象都比較嚴肅，何況他是在各大廣告都會見到的補習天皇呢!同時我覺得赤柱都是一個不錯的約會地方，環境帶點外國風情，令人比較放鬆。但初次約會則不太建議，因為地點較特殊待的時間會比較長。萬一不合意比較難即時走人。

赤柱遠離市囂。容易令大家心情放鬆，多了幾分寧靜美。逛過市集，黃昏時，在旁邊的海濱酒吧，在一個露天位置坐下來，我們一人一支果汁酒，聽一下海浪，看看海天一色的風光，感受赤柱的小鎮。我們開始聊起大家的情史來!
Q : 如果我無猜錯你一定拍了好多次拖是吧?!A : 老實說我後生時都鍾意玩GA,而家人老左都,穩定返一點,始終係蘭桂芳果類地方好難長久!Q : 嘩,你原來就係喜愛夜蒲的大師兄~A : 以前都真係好爛玩丫我!Q : 咁而家呢?(奸笑 mode)A : 享受現在,隨遇而安吧!
在美利樓一間西餐廳用晚餐後，我們漫步在赤柱的沙灘上，聽著海浪，吹著海風，因風大的關係，我自然反應縮了一下，他立即把他的外套脫下給我披上，他大大的眼睛看著我時,不禁有點觸電的感覺.是我自參加speed dating 後首次有這種感覺的！這一個無聲的動作給他大大加了分數。再多走一會，他送我到車站去了。。。
A : 今日好開心妳和我渡過美好的一天
Q : 我都係丫，今日很盡興。
A : 下次再見丫，再約丫。
Q : 好！等你。
我此時心想，人人都有過去是吧，今個聖誕節應該可以有人約啦卦！




----------------------------------------------------------------------------------------------------------

女皇信箱：
Hi queen

你好呀

我係be見到你個blog

分享左好多經驗

不過我始終都係唔係好敢自己去

我剛同六年既男友分手

其實仲好傷心

呢個時間我應唔應該去住呢？

我聽人講忘記一個人最好揾另一個

你認為我應該現階段去嗎

我雖然得24歲

生活同工作圈子好細好難識到男仔

我好怕去speed dating d人會認為我細路女。。
最後多謝你花時間睇我既Mail thanks
Apple

女皇回答 ：
多謝妳支持。

其實去speed dating係絕對可以自己去，女皇有好多讀者都同妳差唔多年紀，只要有基本的自信同社交能力，我相信妳可以應對到的。而家唔去，難道等就超齡先去嗎?

圈子細，比信心自己行出第一步係好重要。至於分手的痛是暫時的。既然戀情已告終，一切都已成過去。但妳絕對有令自己快樂的能力!沉醉於往日的回憶只令自己跌落萬劫不復的深淵。請相信自己，好好再重新出發開始吧!

Queen


 各位靚靚\靚仔對speed dating 有任何疑問？歡迎來信到女皇信箱 sdqueen18@gmail.com
本宮樂意為大家解答哦！