約會女皇Vol.8 -我和光棍先生有個約會

看看月曆，原來今日就係雙十一“光棍節”。講起光棍，近年大多在淘寶大商場渡過，漫無目的的血拼雖然帶來新鮮與剎那的愉快，但並不足填補我那寂寞的心。。。
今天早上，手機的whatsapp傳來一條短訊
來訊 “Hi Queenie,光棍快樂，今晚去邊威?”

這時，我心唸嘩，邊位咁贈興丫，光棍都可以慶祝?!
我即時check一下電郵的214男士電話，原來就係黑生!

Queen : 光棍妹無人約丫.haha…
黑生 : 咁我約妳囉，妳收幾點係邊返工，我來接妳!
Queen : 我係IFC丫。收七點左右啦!
黑生 : 好啦，金融才俊今晚見!

就係咁，我今年終於打破過往的命運，Yeah!
今天還真有點運，往日可能需要OT到深夜的我終於可於七點準時走人。原來他已經駕了架七人車在的士站附近等我。
我認住他的車牌上了他的座駕，車上正播著王菲的老歌“容易受傷的女人”!

Queen : 嘩，你係米玩野丫，哈哈。雖然我都係王菲fans。。。
黑生 : 王菲是個好有性格的歌手，好眼光丫下!想食咩丫靚女?
Queen : 你話事啦，物當當都ok ga.呵呵呵
黑生 :點可以呢，來!我帶妳去一家美味的海鮮!

之後，我們的車往香港仔進發

Queen :嘩，真係好鮮wo

點過海鮮後，我們開始交談起來。此時他變得一面認真，老實說，他今天的打扮是有點mk，一條潮爆牛仔褲，加一件板仔tee,褲間卦住一條鉄鏈，和他斯文的說話風格有點格格不入。

黑生 : 其實我屋企係深水埗開報料公司的，我讀到中三無讀就讀啦，幫屋企手。。。 。。。

唔知點解，從他的對話中我感覺他有點自卑心，此時待應送上菜，我亦點了一罐七喜作為餐飲，怪事發生了。
Queen :你也要來點啤酒汽水嗎?
黑生 :我們不是兩份飲嗎?
Queen : haha.。。。(心想，我又唔係同你好熟，點解要咁close呢)你自己再叫啦咁 。

完成晚餐後，黑生送我回家時，我發現他的車上有很多小孩子的用品，坐墊等等。。。

Queen : 而，你同家人住嗎，有咁多小朋友用品既?
黑生 :哦，係我同前妻生的小孩子，而家我負責照顧的。我們已經離婚三年啦。
Queen : oh。唔好意思。你都是個好爸爸呢
黑生 :有時男人北上傾生意，多少都要去下夜總會傾野玩下，都怪我太貪玩啦!無左個老婆
Queen: haha。你要成日上去ga?
黑生 : 一星期上一次啦。

話咁快，車子已到達我家門。
Queen : 多謝你送我返來，88
黑生 : 下次約妳上上面玩丫，按摩過夜丫
Queen :我回鄉證過期了，88

女皇後語 :初相識的女士大多想慢慢了解，睇下大家夾唔夾再考慮發展。黑生表現太急進明顯不是我杯茶，所以我可以把握最後機會回家淘寶了

各位靚靚\靚仔對speed dating 有任何疑問？歡迎來信到女皇信箱 sdqueen18@gmail.com
本宮樂意為大家解答哦！