約會女皇Vol.4 與CEO在星空下的約會

今天是星期六,天晴,亦是我和Ludy 的第二次約會

Ludy(化名) 一家香港投資公司的CEO.

                  年齡不詳

                  拍拖次數不詳

                  身家不詳........唯一知道的是他有部波子

         

雖然上次,約會後,對他沒有特別的感覺,在識多個朋友無壞的心理狀態下出去......

下午一時四十五分,我的電話響起,電話的另一方傳來一把成熟的聲音

他 : Hi! Queenie! 係你屋企樓下啦,我架車泊左係路口,車牌係JLXXXX.你慢慢啦!

我 : WOW !你早左呢,好~三分鐘!

為免要人家久等,我拿拿聲劃埋隻眼就拎埋手袋一支箭飛奔往街口,我離遠已經見到一架車牌係JLXXXX的白色波子,女王當時心想 : 正野! 之後面帶笑容上前SAY HI!

他 : 多謝你今日賞面~(配上真誠的眼神)

我 : 係我榮幸才是呢!

他 : 有無話想去邊行行走走丫?

我 : 無所謂丫! 你話事啦!

他 : 不如上山頂行下丫?

我 : 好丫!

車上播起一些JAZZ的歌曲,令今日的約會更加添浪漫.

沿路我談起我的工作,他以搞笑的方式回應我.現在回想大概我係佢心目中似一個細路女多於一個發展對象~HAHA.

到達山頂泊好車後....

他 :由於時間關係,我已經唸好三個路線睇下你喜歡邊一條啦

      ~A :行山一小圈,之後飲野.

      ~B :去杜莎夫人蠟像館,之後晚餐睇夜景.

      ~C :直接坐低HIGH TEA,食完又食.哈哈

我 :今日想HEA HEA下姐~不過杜莎夫人蠟像館都幾好WO!

他 :OK! Let's Go!

於是我們走進杜莎夫人蠟像館,走進館內,CEO的第一個問題竟然是......

他 : Queenie! 咁多個蠟像你曼最喜歡邊個呢?

我 : 容祖兒! 咁你呢?(如果比我重答可能會答政治人物,HAHA)

他 : 你和她都是天之驕女呢!我喜歡安德利夏萍,她高雅的氣質與有品味的.........

我發現呢位CEO的知識極為淵博,位位歷史人物佢都可以解說一論,簡直係本人肉字典!!!兩小時過去後.....

我 : YEAH!終於行完~

他 : 可以開餐!

他帶著我到一家陳寶珠年代的香港老牌餐廳The Peak Lookout,呢到真係夠哂情調,餐廳內環境超浪漫!令我心情大靚.

我 :可唔可以八卦下ceo哥哥因乜解要join Speed Dating?

他 : 因為我平時自己食飯都差唔多價錢,所以當識下朋友!妳呢?

我 :我貪玩囉,不過當中都有少少認真的成份,哈哈

他 : You are so cute!

我們就是在這輕鬆同半搞鬼的情況下渡過了一天,步出餐廳舉頭一看,有星空一片.女皇心想:今天米就係我與CEO在星空下的約會!^^

各位靚靚\靚仔對speed dating 有任何疑問？歡迎來信到女皇信箱 sdqueen18@gmail.com
本宮樂意為大家解答哦！